Doctor of Science

Die doel van die kwalifikasie is om aan 'n leerder in 'n veld van die natuur-wetenskappe (insluitend wiskundige en rekenaarkundige dissiplines) of gesondheidswetenskappe die geleentheid te bied om akademiese erkenning op die hoogste vlak te ontvang vir intensiewe studie- en navorsingswerk oor 'n aanmerklike tydperk wat kulmineer in nuwe kennis van uitsonderlik hoe akademiese gehalte en wetenskaplikheid.

Die leerder het reeds 10 jaar in 'n veld van die natuurwetenskappe (insluitend wiskundige en rekenaarkundige dissiplines) of gesondheidswetenskappe voldoen aan die vereistes van die graad Philosophiae Doctor of 'n graad van gelyke status volgens die oordeel van die senaat, of in uitsonderlike gevalle soos deur die Fakulteitsraad Natuurwetenskappe of Gesondheids-wetenskappe gemotiveer en deur die senaat goedgekeur, minstens tien jaar aan die vereistes van 'n erkende baccalaureus-, honneurs- of meestersgraad.

Leerders sal hul vermoe moet demonstreer om 'n bepaalde bydrae van uitsonderlike hoe gehalte oor 'n aanmerklike tydsverloop te maak tot die ontwikkeling van nuwe kennis en vaardighede van die veld van spesialisasie. Dit kan insluit 'n reeks gepubliseerde navorsingsartikels van besondere impak in wetenskaplike tydskrifte van erkende hoe gehalte, wat saam met nuwe navorsingsresultate in 'n eenheid saamgevoeg is, 'n gepubliseerde of ongepubliseerde boek, ontwerp of tegniese uiteensetting, model of formule wat volgens die oordeel van die eksaminatore 'n uitsonderlike bydrae tot wetenskaplike kennis maak, ens.

• Die leerder sal deur die studie- en navorsingswerk wat vir eksaminering aangebied word, demonstreer dat nuwe kennis van uitsonderlike hoe akademiese gehalte en wetenskaplikheid in 'n gespesialiseerde natuurwetenskaplike of gesondheidswetenskaplike dissipline, of op interdissiplinere vlak, ontwikkel is.
• Die leerder sal demonstreer dat hierdie nuwe kennis voortspruit uit volgehoue, intensiewe studie vir 'n tydperk van aanmerklik groter omvang as wat normaalweg van die kwalifikasie Philosopiae Doctor verwag word.
• Die leerder sal demonstreer dat besondere akademiese rypheid, leierskap, en gevorderde insig en kundigheid ten opsigte van die spesifieke studieterrein bereik is, in 'n veel groter mate as die uitkomste wat van die kwalifikasie Philosophiae Doctor verwag word.
• Die leerder sal demonstreer dat 'n besondere bydrae tot gevorderde nuwe en oorspronklike kennis ten opsigte van die studieterrein gelewer word, in 'n veel groter mate as die uitkomste wat van die kwalifikasie Philosophiae Doctor verwag word.

Geintegreerde assessering

Geintegreerde assessering om te verseker dat die doel van die kwalifikasie bereik word, sal kontinu geskied. Dit sal insluit:

• By die registrasie van 'n gemotiveerde aansoek deur die leerder beoordeel die direkteur van die betrokke navorsingsfokusarea en die betrokke dekaan die potensiaal van die voorlegging ter bereiking van die doel en uitkomste van die program.
• Deurlopende advies, leiding en evaluering deur die adviseurs (kyk "Kriteria vir die registrasie van assessors, en modereringsopsies") van die gedane en / of aanvullende studie- en navorsingswerk en die proses van samestelling van die finale verslag in die vorm van 'n bundel, boek, proefskrif, ontwerp of tegniese uiteensetting, model of formule (gepubliseerd of ongepubliseerd).
• Finale assessering van die verslag deur 'n paneel van interne en eksterne eksaminatore.