Master of Science

This qualification includes the various specialisations in Science. Please refer to "Notes" for details on the specialisations.

• Die (eerste) doel van die kwalifikasie is om aan leerders wat reeds oor 'n eerste graad en / of 'n honneursgraad in 'n veld van die gesondheids- en natuurwetenskappe (insluitend wiskundige en rekenaarkundige dissiplines)

beskik, of oor kwalifikasies wat as gelykwaardig erken word, verdere

verbreding ten opsigte van hul kundigheid en toepasbare vaardighede in 'n gefokusde dissipline van die gesondheids- en natuurwetenskappe (insluitend wiskundige en rekenaarkundige dissiplines), te verskaf, wat verbeterde

geleenthede sal skep vir voortdurende persoonlike intellektuele groei, waardetoevoegende ekonomiese aktiwiteit en lonende bydraes tot die

gemeenskap. Hierdie verdere wetenskaplike toerusting geskied vanuit 'n gefundeerde perspektief.

• Die (tweede) doel van die kwalifikasie is om Suid-Afrika te voorsien van wetenskaplike navorsers wat oor bree teoretiese kundigheid en praktiese vaardighede in verskeie dissiplines uit die natuur- en gesondheidswetenskap beskik, met spesialisering en meesterskap in 'n erkende kerndissipline. Sodoende sal verder bygedra word tot die verbreding van die leierskapsbasis vir innoverende en kennisgebaseerde ekonomiese en skolastiese aktiwiteit in

die land.

Die leerder beskik oor 'n baccalaureusgraad en / of 'n honneurs baccalaureus-graad, of gelykwaardige status soos deur die senaat van die Universiteit verleen op grond van kennis en vaardighede opgedoen deur vorige leer en werkservaring wat tot leer gelei het. Programspesifieke aannames word in elk van die gefokusde programbeskrywings aangedui.

Die uitkomste* soos beskryf by die Honneurs Baccalaureus Scientiae word by hierdie Magister Scientiae verder verfyn en afgerond. Verder sal die kwalifiseerder in hierdie program vertroud wees met die algemene wetenskaplike metode van navorsing, met toespitsing op die besondere navorsingsmetodologie van een gesondheids- of natuurwetenskaplike kerndissipline. Dit sluit in:

• die identifisering en wetenskaplike formulering van 'n probleemstelling;
• 'n deeglike ondersoek van bestaande kennis soos gereflekteer deur toepaslike wetenskaplike literatuur;
• die uitvoer van toepaslike navorsing ter oplossing van die probleem;
• die wetenskaplike evaluering van die resultate in die konteks van die probleemstelling;
• die wetenskaplike kommunikering van die resultate in die vorm van 'n skripsie of verhandeling.

*Natuurwetenskaplike (insluitend wiskundige en rekenaarkundige) en tegnologiese probleemoplossing

Aan die einde van die studie is die graduandus in staat om sekere konvergente en divergente probleme in die betrokke dissipline uit die natuurwetenskaplike, gesondheidswetenskaplike en tegnologiese veld te identifiseer, te evalueer, en kreatief en innoverend op te los.

*Toepassing van fundamentele en spesialis-kennis

Aan die einde van die studie is die graduandus in staat om basiese kennis en tegnieke van die natuurwetenskap en die inligtingstegnologie te integreer om menslike verskynsels en verskynsels in die natuur te kan ondersoek en gepaardgaande probleme te kan oplos. Dit sluit die volgende in:

• Pas natuurwetenskaplike kennis en metodes (met toespitsing op die van die besondere dissipline) toe op probleme deur toepaslike aanwending van:
• formele analise en modellering van menslike aktiwiteite en natuur-verskynsels, -stelsels en -probleme;
• kommunikering van teoriee, konsepte en idees;
• beredenering en konseptualisering van menslike aktiwiteite en natuurverskynsels, -stelsels en -probleme;
• hantering van onsekerhede en risiko's deur gebruik van statistiese beginsels en metodes;
• rekenaarvaardigheid en inligtingstegnologie.
• Gebruik die beginsels, wette en tegnieke van die natuurwetenskap en gesondheidswetenskappe (met toespitsing op die van die besondere dissipline) op fundamentele vlak om:
• oop bedryfs- en samelewingsprobleme te identifiseer en op te los;
• toepassings te identifiseer en aan te wend;
• oor dissiplinegrense heen met gemeenskaplike fundamentele kundigheid te werk.

*Ondersoeke eksperimentering en data-analise

Aan die einde van die studie is die graduandus in staat om

• ondersoeke en eksperimente te beplan en uit te voer deur gebruikmaking van wetenskaplike modelleringstegnieke;
• inligting vanuit data te analiseer, te interpreteer en af te lei.

Die graduandus sal beskik oor deeglike kennis van die fundamentele navorsingsmetodologie van die besondere dissipline.

*Wetenskaplike metodes, vaardighede en inligtingstegnologie

Aan die einde van die studie is die graduandus in staat om

• toepaslike wetenskaplike metodes aan te wend en die resultate wat dit lewer, te evalueer;
• rekenaarpakkette vir berekenings, modellering, simulasie en hantering van inligting te gebruik, wat insluit:
• evaluering van die toepaslikheid en beperkings van die packet,
• korrekte toepassing en werking van die packet,
• kritiese evaluering van die eindproduk deur die pakket gelewer;
• rekenaars, netwerke en inligtings-infrastrukture te gebruik vir evaluering, prosessering, bestuur en berging van inligting om persoonlike produktiwiteit en spanwerk te verbeter;
• basiese tegnieke en kennis van besigheidsbestuur en gesondheids- en veiligheids- en omgewingsbewaring aan te wend op bedryfspraktyk.

*Professionele en algemene kommunikasie

Aan die einde van die studie is die graduandus in staat om

• sowel mondeling as skriftelik, effektief met wetenskaplikes (met toespitsing op die van die besondere dissipline) en die gemeenskap te kommunikeer, deur gebruikmaking van die gepaste struktuur, styl en grafiese en elektroniese ondersteuning;
• metodes van inligtingverskaffing vir gebruik deur ander in veral die wereld van die natuurwetenskap en gesondheidswetenskap (met toespitsing op die van die besondere dissipline) toe te pas.

*Impak van natuurwetenskaplike en gesondheidswetenskaplike aktiwiteit op die gemeenskapo en die omgewing

Die graduandus is krities bewus van

• die impak van natuurwetenskaplike en gesondheidswetenskaplike aktiwiteit (veral die van die besondere dissipline) op die gemeenskap en die omgewing;
• die noodsaaklikheid om by natuurwetenskaplike en gesondheids-wetenskaplike aktiwiteite,
• die impak van tegnologie op die gemeenskap, en
• die persoonlike, sosiale, en kulturele waardes en verwagtinge van diegene wat deur wetenskaplike aktiwiteite geraak word,

in ag te neem.

*Span- en multidissiplinere werk

Aan die einde van die studie is die graduandus in staat om effektief as individu, in spanne en in multidissiplinere omgewings te werk en leiers- en ander kritiese funksies te verrig.

*Lewenslange leer

Die graduandus verstaan die noodsaaklikheid om voortgesette bekwaamheid te verseker en om aan die voorpunt van die jongste tegnologie en tegnieke te bly, en is in staat om in lewenslange leer deur goed-ontwikkelde leervaardighede betrokke te bly.

*Professionele etiek en praktvk

Die graduandus is krities bewus van die noodsaaklikheid om professioneel en eties op te tree en om verantwoordelikheid binne eie beperkings en vaardighede te aanvaar, en is in staat om oordele te vel in verhouding tot kennis en ervaring.

a. Kritieke uitkomste en geassosieerde evalueringskriteria

Die kritieke uitkomste van die program is in die uittreevlak-uitkomste geintegreer, en word volledigheidshalwe weer hier saamgevat.

Aan die einde van sy studie sal die student oor die volgende beskik

Kennis

• Die graduandus is in staat om basiese kennis en tegnieke van die gesondheidswetenskap en natuurwetenskap (insluitend wiskunde en rekenaarwetenskap) te integreer om probleme in die wetenskap en samelewing te kan oplos. Dit sluit in kennis van begrippe en strukture, prosedures en tegnieke, teoriee, beginsels en die fundamentele navorsingsmetodes van die betrokke dissipline(s).
• Die graduandus sal kennis van en insig in die samehang van dissiplines uit die natuurwetenskaplike en gesondheidswetenskaplike veld he.

Vaardighede

Die student sal bemagtig wees om

• kennis selfstandig te kan ontsluit (ook rekenaarmatig), toepas, analiseer, integreer en gefundeerd evalueer;
• kennis wetenskaplik te kan kommunikeer in verskillende media;
• navorsing te kan doen en kennis te kan ontwikkel - dit sluit in kennisontsluiting uit die relevante literatuur, eksperimentele werk waar van toepassing, interpretasie en evaluering van resultate en wetenskaplike verslagdoening;
• krities en kreatief probleemoplossend te kan dink en handel;
• as entrepeneur en intrapreneur te kan optree;
• in 'n groep te kan funksioneer en 'n leiersrol te kan vervul;
• vakkundige vaardighede in 'n samelewingsomgewing te kan implementeer.

Waardes, houdings en gesindhede

Die student sal, vanuit 'n gefundeerde perspektief,

• kennis dra van en waardering he vir konsepte soos roepingsvervulling en diensbaarheid;
• die medemens, die skepping en gesag kan respekteer;
• prinsipieel oor samelewingsvraagstukke kan dink en handel;
• oor integriteit, deursettingsvermoe, noukeurigheid en presiesheid beskik;
• bewus wees van die noodsaaklikheid om voortgesette bekwaamheid te verseker en om aan die voorpunt van die jongste tegnologie en tegnieke te bly, en in staat wees om in lewenslange leer deur goed-ontwikkelde leervaardighede betrokke te bly.

Geassosieerde assesseringskriteria

Die maatstawwe vir die bepaling van bereiking van die uitkomste en wyses waarop dit toegepas word, is soos volg

• Die vermoe tot kreatiewe denke, kennisontsluiting en -toepassing met gepaste metodieke en rekenaarimplementering, die funksionering in groepsverband en die vermoe om leiding in hierdie verband te kan neem, vermoe tot probleemoplossing en wetenskaplike kommunikasievermoe word formatief ge-assesseer by wyse van individuele en groepsopdragte, groepskommunikasie en verslagdoening ten opsigte van die opdragte, asook deur individuele en groepsgesprekke.
• Die insig in die navorsingsmetodologie van die betrokke dissipline word formatief en summatief ge-assesseer deurdat die leerder onder toesig van een of meer studieleiers 'n gegewe navorsingsopdrag deur die fases van literatuurstudie, eksperimentering (waar van toepassing), analisering, evaluering en die skryf van 'n wetenskaplike skripsie of verhandeling uitvoer, wat deur interne en eksterne eksaminatore beoordeel word.
• Die vermoe tot effektiewe funksionering in groepsverband en die vermoe om leiding in hierdie verband te kan neem, asook die vermoe tot entrepreneuriese en intrapreneuriese denke en optrede word verder formatief ge-assesseer tydens ekskursies en praktykopleiding.

Die kriteria vir die uitkomste ten opsigte van waardes, houdings en gesindhede is geintegreer in die beskrywing van die uitkomste hierbo, en die assessering geskied geintegreerd soos beskryf in "Geintegreerde assessering" hierna.

Geintegreerde assessering

Geintegreerde assessering om te versekr dat die doel van die kwalifikasie bereik work, geskied by wyse van 'n verskeidenheid van strategiee. Die vernamste hiervan is die beoordeling van 'n skripsie of verhandeling wat bewys lewer dat die leerder vertroud is met die wetenskaplike metode van navorsing.

Formatiewe assesserings

• Individuele sowel as groepsopdragte wat kreatiwiteit, kennisontsluiting en toepassing met gepaste metodieke en rekenaarimplementering, groepskommunikasie en verslagdoening sal behels.
• Individuele en groepsgesprekke, wat in aansluiting by die vorige punt, die ontwikkeling van die student se wetenskaplike kommunikasievaardighede assesseer.

Summatiewe assesserings

• Geskrewe en / of mondelinge middle- en eindeksamens oor teoretiese vakkennis, praktiese probleemoplossingsvaardighede en eksperimentele vermoens - daar word veral klem gele op vrae wat kritieke uitkomste soos identifisering en oplossing van probleme, verantwoordelike besluitneming en kritiese en kreatiewe denke toets.
• Individuele en groepsbesprekings en werkopdragte wat wetenskap- en samelewings-kwessies vanuit 'n gefundeerde perspektief hanteer.