Master of Arts

This qualification includes the various specialisations. Please refer to "Notes" for details on the specialisations.

Die (eerste) doel van die kwalifikasie is om aan 'n leerder wat reeds oor 'n honneursgraad in 'n veld van die geesteswetenskappe beskik, of oor kwalifikasies wat as gelykwaardig erken word, in staat te stel om by wyse van 'n meestersverhandeling bewys te lewer dat hy/sy die geesteswetenskaplike vaardighede en toepaslike metodologiee bemeester het wat verbeterde geleenthede sal skep vir voortdurende persoonlike intellektuele groei, waardetoevoegende ekonomiese aktiwiteit en lonende bydraes tot die gemeenskap. Hierdie verdere wetenskaplike toerusting geskied vanuit 'n gefundeerde perspektief op die wetenskap.

Die (tweede) doel van die kwalifikasie is om Suid-Afrika te voorsien van ontwikkelende wetenskaplike navorsers wat oor teoretiese kundigheid en praktiese vaardighede in verskeie dissiplines uit die geesteswetenskappe beskik, met spesialisering en meesterskap in een erkende kerndissipline of 'n multi-dissiplere samevoeging van dissiplines. Sodoende sal verder bygedra word tot die verbreding van die leierskapbasis vir innoverende en kennisgebaseerde ekonomiese en skolastiese aktiwiteit in die land.

Die leerder beskik oor 'n honneursgraad, of gelykwaardige status soos deur die senaat van 'n geakkrediteerde Universiteit verleen op grond van kennis en vaardighede opgedoen deur vorige leer en werkservaring.

Bo en behalwe die uitkomste en kriteria soos beskryf by die eerste algemeen-vormende BA-graad en die Honneurs BA-Graad (of toepaslike alternatief) sal die kwalifiseerder in hierdie program aan die einde van die program in staat wees om die uitkomste te bereik wat toepaslik is binne die raamwerk van die vlak van die kwalifikasie. Leerders sal hul vermoe moet demonstreer om die toepaslike geesteswetenskaplike metodes te gebruik en toe te pas in die hantering van 'n toepaslike wetenskaplike probleem in die veld van spesialisasie. Dit kan soos volg uiteengesit word en word daarvolgens beoordeel:

1. In terme van kennis en insig

• Moet die kandidaat die toepaslike vlak van kennis en abstraksie binne die veld bereik en insig ontwikkel het in die begrippe, modelle, teoriee en metodes;
• Sowel as insig in die plek van die besondere dissipline in die ensiklopedie van die wetenskap.

1. In terme van vaardighede en bevoegdhede

Die afgestudeerde student in hierdie program moet

• Tipiese probleme in die veld krities en kreatief kan benader en oplos;
• Verworwe vaardighede binne entrepreneuriese verband te kan plaas;
• Effektiewe en selfstandige bestuur te kan doen met verwysing na die hantering van die studiemateriaal en daarbuite;
• Selfstandig kan omgaan met kennisverwerwing en hantering;
• Goeie kommunikasievermoe ontwikkel het en dit toepaslik kan gebruik binne die veld;
• Die leergeleentheid van die meestersprogram so te interpreteer dat dit as deel van die proses van lewenslange leer gesien word;
• Veral kan verantwoord hoe hierdie aktiwiteite binne die raamwerk van die Christelike en ander lewensbeskouings verwesenlik word;

1. In terme van waardes

Moet die kandidaat toenemend 'n bewustheid he van

• Respek vir die medemens, die skepping en vir verantwoordelike gesag;
• Persoonlike prinsipiele denke uitbou en toepas;
• Uitnemendheid nastreef in die benadering tot die wetenskap;
• En integriteit verder begrond.

4. In terme van 'n bewustheid van die belang van

• Kulturele en estetiese sensitiwiteit insien hoe hierdie sake ter uitdrukking kom in die hantering van gevorderde studie.

Leerders sal hul vermoe moet demonstreer om die toepaslike geesteswetenskaplike metodes te gebruik en toe te pas in die hantering van 'n toepaslike wetenskaplike probleem in die veld van spesialisasie deur:

• deur bewyslewering van beheersde kennis van die teorie en beginsels van die veld;
• die integrering van teorie en praktyk in die veld;
• kritiese analise van bestaande kennis in die veld;
• die uitvoering van navorsing volgens die aanvaarde metodologie in die veld;
• die ontleding en interpretasie van navorsingsdata en resultate;
• die rapportering van hul navorsingresultate in 'n wetenskaplik aanvaarde formaat.

Geintegreerde assessering

Geintegreerde assessering om te verseker dat die doel van die kwalifikasie bereik word, sal kontinu geskied. Dit sal insluit:

• die assessering van die vordering met die opstel van 'n navorsingsvoorstel onder leiding van die studieleier en toesig van die direkteur van die betrokke navorsingsfokusarea, vir goedkeuring deur die Fakulteitsraad;
• deurlopende evaluering deur die studieleier van die kwaliteit van die navorsing;
• kontinue evaluering deur die studieleier van die vordering met en die gehalte van die skryfwerk aan die verhandeling;
• finale eksaminering van die verhandeling deur 'n paneel van interne en eksterne eksaminatore en verslagdoening deur die Fakulteitsraad.