Bachelor of Arts Honours

This qualification includes the various specialisations. Please refer to "Notes" for details on the specialisations.

Die programdoel is om verdere maar meer gefokusde algemeen-vormende opleiding te verskaf in 'n verskeidenheid van velde waarvoor aanvoorwerk gedoen is in die BA-graad.

Daar word gepoog om in hierdie program studente op te lei om toegang te verkry tot verdere nagraadse studie (veral die verskillende MA-programme en onderwys- en ander kwalifikasies).

Die basiese aanname is dat die student reeds 'n eerste B-graad voltooi het met die veld van voorgenome studie as 'n hoofklem in die eerste graad. Die student sal dus oor 'n sterk basis van kennis en studievaardigheid beskik waarop voortgebou sal word in die loop van hierdie studie.

Bo en behalwe die generiese uitkomste en kriteria beskryf by die eerste algemeenvormende BA-graad (of toepaslike alternatief) sal die kwalifisserder in hierdie program aan die einde van die program in staat wees om die volgende uitkomste te bereik:

Dit is dus 'n kritieke uitkoms dat die leerder

• Die kandidaat moet die toepaslike vlak van kennis in die besondere veld beheers en tot 'n groter mate van abstraksie vorder as met die BA studie.
• Die kandidaat moet insig begin ontwkkel in die plek van die besondere studieveld binne die groter samehang van die geesteswetenskappe.

Die uitkomste kan verder soos volg uiteengesit word

In terme van kennis en insig

• Die kandidaat moet vereiste en toepaslike vlak van kennis in die spesifieke veld beheers en binne hierdie veld vorder tot 'n groter mate van abstraksie en spesialisering as met die BA studie.
• Die kandidaat moet hierdie kennis kan toepas in probleemoplossende werk binne die bakdissipline en binne die groter samehang van die geesteswetenskappe.

Take deur die student uitgevoer moet getuig van insig en analitiese vermoe afgesien van blote feitekennis.

In terme van vaardighede en bevoegdhede

Die kandidaat moet in hierdie program vorder met

• Kritiese denke en die toepassing daarvan op omskrewe probleme in die vakgebied
• Die insig in die entrepreneuriese moontlikhede wat binne die vakgebied gebied word
• Die hantering van studiemateriaal op 'n meer onafhanklike wyse as tydens die voorgraadse studie
• Die ontwikkeling van toepaslike en gesofistikeerde kommunikasiestrategiee binne die veld van studie
• Die ontwikkeling van toepaslike en gesofistikeerde kommunikasiestrategiee binne die veld van studie
• Insig daarin dat die huidige program slegs een stap is in die proses van lewenslange leer en dit so in te klee
• Insig in hoe die Christelike lewensbeskouing sterker tot uiting gebring kan word in die hantering van wetenskaplike materiaal.

In die assessering van studenteprestasie moet aandag gegee word aan die bereiking van hierdie uitkoms. Dit impliseer dat die assessor sigbaar moet reageer op kritiese denkvermoe, insig in entrepreneuriese moontlikhede, die hantering van kommunikasiestrategiee wat gebruik word, en die hantering van die lewensbeskoulike elemente en integrering daarvan in die studieprogram.

In terme van waardes

Uit die student se werk moet blyk dat hy/sy

• Prinsipiele denke kan identifiseer en toepas;
• Uitnemendheid nastreef deur nougesette aandag aan sy/haar werk;
• Sterk integriteit vertoon

In die assesering moet aantoonbare aandag geskenk word aan die sake soos prinsipiele denke, 'n gevoel van uitnemendheid en 'n aanvaarding van integriteit.

In terme van 'n bewustheid van die belang van

• Deelname aan die lewe van die burgers van die land
• Die belang en uitdagings van 'n plurale samelewing

Die sake hierbo moet geidentifiseer kan word in die produkte gelewer deur die studente.

Geintegreerde assessering

Om te verseker dat die doel van die kwalifikasie en die uitkomste bereik word sal deurlopende evaluering plaasvnd wat op die volgende wyses toegepas sal word:

• Modulere toetse waar toepaslik
• Geskrewe en/of mondelinge eksamens
• Praktiese projekte of werkstukke waar toepaslik
• Gevallestudies waar toepaslik
• Mondelinge voordragte
• Self-evaluerings en evaluasies deur mede-studente
• Navorsingsmetodologie word getoets by wyse van die skryf van 'n navorsingsvoorstel wat uitloop op 'n skripsie wat onafhanklik met die hulp van 'n studieleier gedoen word.